Id-diżinformazzjoni dwar il-klima hija t-tixrid intenzjonat ta’ informazzjoni falza fir-rigward tat-tibdil fil-klima u tal-azzjoni klimatika. Tista’ tieħu ħafna forom: minn negazzjoniżmu kategoriku u teoriji ta’ komplott għal diżinformazzjoni aktar sottili u aktar qarrieqa maħsuba biex tħawwad l-imħuħ billi ssostni li t-tibdil fil-klima mhuwiex ikkaġunat mill-bniedem jew li mhuwiex inkwetanti daqs kemm qed jgħidu x-xjenzati, u għalhekk m’hemm bżonn ta’ ebda azzjoni urġenti.
Id-diżinformazzjoni dwar il-klima tista’:
- timmina l-fiduċja fix-xjenza
- iddgħajjef l-appoġġ tan-nies għall-azzjoni klimatika
- ixxekkel l-implimentazzjoni tal-istrateġiji politiċi u l-kooperazzjoni internazzjonali dwar it-tibdil fil-klima
- timmina d-demokrazija
F’Marzu 2024, il-Kummissjoni adottat il-Komunikazzjoni dwar il-ġestjoni tar-riskji klimatiċi, li fiha nimpenjaw ruħna li niġġieldu kontra d-diżinformazzjoni dwar il-klima.
Riżorsi u għodod għall-ġlieda kontra d-diżinformazzjoni dwar il-klima
Riżorsi tal-Kummissjoni Ewropea:
- Is-sett ta’ għodod tal-Patt Klimatiku dwar kif titkellem man-nies dwar l-azzjoni klimatika u riżorsi oħrajn għall-ġlieda kontra d-diżinformazzjoni dwar il-klima
Riżorsi esterni:
- How to deal with climate disinformation: fuljetti dwar kif tidentifika t-teoriji ta’ komplott u kif titkellem ma’ min jemminhom
- Myth Busters – the facts on climate and energy: paġna tan-Nazzjonijiet Uniti online
- Protect the future: proġett li jinvolvi uffiċjali tan-NATO u żgħażagħ li joħolqu l-kontenut dwar sfidi bħat-tibdil fil-klima, id-diżinformazzjoni, u ċ-ċibersigurtà.
Is-sett ta’ għodod tal-Patt Klimatiku: kif titkellem man-nies dwar l-azzjoni klimatika
Dan is-sett ta’ għodod jgħinek biex, fil-komunità tiegħek, tispjega u tikkomunika dwar l-azzjoni klimatika.
X’tista’ tagħmel biex id-diżinformazzjoni dwar il-klima titwaqqaf?
Pariri mingħand l-ambaxxaturi tal-Patt Klimatiku
- Meta tiltaqa’ ma’ każijiet ta’ diżinformazzjoni, irrappurtahom — ħafna pjattaformi tal-midja soċjali għandhom funzjoni li tippermettilek tirrapporta kontenut li jkun ittella’
- Tinvolvix ruħek ma’ kontenut ta’ diżinformazzjoni fuq il-midja soċjali biex ma tamplifikax il-messaġġ u tiġbed aktar attenzjoni fuqu
- Agħmel il-parti tiegħek biex tixxerred informazzjoni korretta permezz tal-mezzi u l-kuntatti li bihom tikkomunika, online u offline
- Kun af bil-preġudizzji tiegħek innifsek u ikseb l-informazzjoni tiegħek minn sorsi differenti sabiex ikollok perspettiva bbilanċjata
X’qed tagħmel il-Kummissjoni Ewropea biex tiġġieled kontra d-diżinformazzjoni?
Il-mod kif taħdem il-Kummissjoni Ewropea biex tindirizza d-diżinformazzjoni dwar il-klima huwa inkluż fil-politika ġenerali dwar id-diżinformazzjoni, li hija ffukata fuq:
- li niżviluppaw politiki li jsaħħu d-demokraziji tagħna, jagħmluha aktar diffiċli għad-diżinformaturi biex jużaw ħażin il-pjattaformi online, u jipproteġu lill-ġurnalisti u l-pluraliżmu tal-midja
- li ninfurmaw aktar lin-nies dwar id-diżinformazzjoni u dwar il-preparatezza u r-rispons tagħna
- li niżviluppaw ir-reżiljenza tas-soċjetà kontra d-diżinformazzjoni permezz tal-litteriżmu fil-midja u tal-verifika tal-fatti
- li nikkoperaw ma’ istituzzjonijiet oħrajn, mal-awtoritajiet nazzjonali, jew ma’ partijiet terzi
Riżorsi għall-ġlieda kontra d-diżinformazzjoni
- Il-komunikazzjoni strateġika u l-ġlieda kontra d-diżinformazzjoni: paġna li tispjega l-istrateġija tal-Kummissjoni fil-ġlieda kontra d-diżinformazzjoni, li fiha links, filmati, u riżorsi oħrajn
- Filmat biex in-nies isiru jafu aktar dwar ir-riskji tad-diżinformazzjoni qabel l-elezzjonijiet Ewropej
- Sett ta’ għodod dwar kif tidentifika u tiġġieled kontra d-diżinformazzjoni, maħsub għall-għalliema tal-iskejjel sekondarji biex irawmu fl-istudenti l-ħiliet vitali biex jinnavigaw online
- Linji gwida għall-għalliema dwar l-indirizzar tad-diżinformazzjoni: sett ta’ linji gwida għall-għalliema tal-iskejjel primarji u sekondarji dwar l-indirizzar tad-diżinformazzjoni u l-promozzjoni tal-litteriżmu diġitali
- Kif taħdem id-diżinformazzjoni: sensiela ta’ filmati tal-Parlament Ewropew
X’tista’ tagħmel biex tibqa’ infurmat u impenjat: segwina fuq l-Instagram, il-LinkedIn, u t-Twitter, u abbona għall-bullettin li noħorġu kull xahar biex ikollok aċċess għal aġġornamenti u informazzjoni affidabbli li tista’ faċilment taqsamhom mal-familja u mal-ħbieb.
